【台北三天兩夜】話走就走!北部3日2夜文青輕旅行!

1-min.jpg

港澳人去台灣,多數都以北部為主,皆因大台北地區交通便利,又多適合時下年青人的好去處。雖則話去得多北部其實都幾悶,但作為主要旅遊區,近年台北附近確係愈來愈多新興景點,例如今次會講到嘅星空草原,老實講去多幾次都唔怕厭!無連假唔緊要,一於禮拜五請半晝假,嚟個話走就走嘅3日2夜輕旅行。

今次要介紹嘅景點全部都坐捷運紅色線就可以到達,絕對慳錢又慳力,3日2夜都可以好盡興!

◎三天兩夜行程規劃

DAY1 桃園機場→星空草原→四四南村→象山夜景→台北住宿推薦
DAY2 北投[北投圖書館—地熱谷—北投市場—水月道場]→淡水[英專路夜市—金色水岸公園(日落)]→台北住宿推薦
DAY3 淡水[淡水老街—小白宮—紅毛城、英國領事館—真理大學、牧事樓咖啡館—漁人碼頭]→台北住宿推薦

◎交通總花費:台幣 $546 = 港幣 $144

◎桃園機場ßà台北市區|交通工具總整理

機場捷運開通前,來往桃機同市區主要搭客運同的士。機捷開通後,直達車到市區只需約35分鐘,價錢亦十分貼地,只要價台幣160元,港幣50蚊有找!來往台北同機場又多個選擇喇!

2-min.jpg

小編個人就偏好去程搭客運,回程搭機捷。因為去時一般唔趕時間,坐客運邊睇風景邊聽歌亦幾relaxed回程要趕機,夠快又可以預辦登機的機捷當然係首選!


 

DAY1桃園機場——星空草原——四四南村——象山夜景——民宿

3-min.jpg

由桃園機場搭捷運抵達台北車站,行兩步就可以轉乘捷運紅色線(淡水信義線)。今次小編精選的行程全部唔洗轉線,一條線搭到尾,慳時間慳錢又慳力!到達台北車站,首先可以搭火車去八堵,計埋搭接駁車,只需40分鐘左右就到星空草原。之後兩個景點亦都係順住紅色線行,唔洗轉線亦唔洗搭返轉頭,絕對唔浪費一分一秒!

    
▍星空草原

2016年開幕的星空草原,重現梵谷名畫Starry Night,在草地上用近百萬個廢棄膠樽打造大型地景藝術,絕對是話題之作。今年園區大改造,將膠樽換成廢棄光碟,效果一樣突出,光碟在陽光照射下產生偏光反射,夜晚則有燈光秀。無論日頭定夜晚去都別具特色!

☞交通:行李不多的話,由桃園機場到達台北車站,即可搭火車前往八堵站再轉乘免費接駁車前往。

4-min.jpg
Source: 星空草原官方網站  

▍四四南村

眷村是早期國民政府遷台後興建的建築群。「四四南村」經過一系列整修,住宅內部被改建成文物館同展演空間,成為台灣第一個眷村古蹟。穿梭係復古風平房之間,會有種返左去50年代的感覺。

☞交通:搭乘捷運紅色線往象山方向,於台北101/世貿站落車步行約15分鐘即到達。

5-min.jpg
Source: http:/www.wilsonleephoto.com/2013/07/101day4.html;  
▍象山

位於市區、交通便利的象山可算觀賞台北夜景最佳地點,更是台劇《我可能不會愛你》大仁哥同又青姊約會的地方。一出捷運象山站就到達象山親山步道。步道主要由階梯組成,有多條路線,其中信義路五段的登山路線最快,到山頂只需約30分鐘,沿途有好多觀景平台,望下景休息下,話咁快就到!

☞交通:由四四南村步行約15分鐘即到達登山口。

6-min.jpg
Source: http:/chyang1983.pixnet.net/blog/post/151385840;

▍象山附近落腳推薦

睇完夜景爬完山咁攰,應該都唔想周圍走,最好梗係係附近落腳!事不宜遲,就等小編介紹幾個係正附近既優質民宿比大家啦!

F 台北窩在101旁

離步道入口僅10分鐘、離台北101站僅5分鐘距離!附近有101、阪急百貨、華納威秀、新光三越、誠品書店、知名夜店及酒吧,如果爬完山仲有體力,不妨周圍行下,感受下台灣的夜生活。公寓備有多種房型,設備應有盡有。雙人房台幣$1200起,只需港幣$300左右,非常抵住!

7-min.jpg

:: click我睇更多信義區住宿 ::

 

F 101世貿好丘民宿

由登山口步行約15分鐘,離台北101站約5分鐘,位置相當方便。房間窗戶可以看得到101,公寓後邊就係夜市,幾夜都好,一落街就有野食!主人開設冰店多年,賣傳統地道冰品,住客到店更送一人一碗!

8-min.jpg

:: click我睇更多信義區住宿 ::

 

台北101 MRT 悠閒溫馨旅站

離象山雖然有少少距離,但勝在夠大夠闊落!同前兩間住宿有點不同,以整層住家形式租出,有超大客廳,兩間雙人房及一間和室,共可住7人,一晚約港幣$800,湊夠7個,一人只需100蚊多D!最岩一家大細或三五知己約埋去旅行。公寓裝修雅致,設施應有盡有,而且由房間望出去就見到101!

9-min.jpg

:: click我睇更多信義區住宿 ::


DAY北投[北投圖書館—地熱谷—北投市場—水月道場]——淡水[英專路夜市—金色水岸公園(日落)]——民宿

講到北投,一定第一時間諗到溫泉。北投是台灣溫泉史源頭,1896年,日本大阪商人平田源吾在此設立臺灣第一家溫泉旅館「天狗庵」。但好多人唔知,其實除左溫泉,北投仲有好多值得去的景點,比如體現綠色建築美學的北投圖書館、硫磺煙瀰漫的地熱谷同可以食到平民美食的北投市場!以下介紹的景點都係新北投站附近,而且全部步行可達。

36.jpg

    
▍北投圖書館

2012年獲為「全球最美25座公立圖書館」之一,是全台灣首座綠建築圖書館,建築材料以木材為主,四周被林木包圍,相當有特色,唔睇書都可以去行下影下相,相當寫意。

10-min.jpg
Source: https:/www.travel.taipei
▍地熱谷

北投溫泉源頭之一,長年彌漫硫磺煙霧,睇落似地獄,甚至有「地獄谷」之稱,是日據時代台灣八勝十二景之一。地熱谷水質屬鹽酸酸性泉,PH值約1.6,又俗稱「青磺泉」,溫泉口水溫達98℃,水溫極高。早年有民眾失足燙傷,現時設有欄杆,大家遊覽時都記得小心!

11-min.jpg
Source: http:/travel.network.com.tw/tourguide/point/showpage/487.html;

▍北投市場

其實除左夜市,好多人忽略左,其實市場亦有好多地道平民美食的地方!雖然環境可能唔似餐廳咁靚,但絕對可以食到最local既野!北投市場可能好多人未聽過,但絕對是極多平民小食的聚集地。行到攰攰地,都差唔多食晏,就等小編同大家推薦四間市場附近必食的古早味小店啦!

12-min.jpg

矮仔財魯肉飯、黃家酸菜滷肉飯

矮仔財魯肉飯號稱全台最好食的魯肉飯,經常都大排長龍,除左好食之外,全因佢CP值極高!肥瘦均衡的手剁肉燥,加上濃郁醬汁,再配少少酸菜,一碗只需$25,即港幣6蚊雞!雖則份量不大,但加個小菜啱啱好。小菜價錢由港幣3蚊到15蚊不等,嗌多幾味都完全無負擔!

☞地址:台北市北投區新市街30號

☞營業時間:6:30AM-1:30PM,逢周一公休

另外一間黃家酸菜滷肉飯則是當地人熱捧的隱藏美食,主打酸菜飯,酸酸甜甜的酸菜搭配滷肉,啱啱好解到豬肉的咸膩,簡直超開胃。唔夠飽的話,仲可以嗌多碗小菜或湯。價錢一樣好接受,細滷肉飯一樣港幣6蚊雞,大嘅港紙9蚊有找。住慣港澳,可以用咁嘅價錢食到一餐,都咪話唔幸福!

13-min.jpg
Source: http://www.imgrum.org/place & http://www.ipeen.com.tw/comment/598374

    

❷簡記排骨酥麵

台灣的排骨係將醃過的豬肉蒸完再裹上麵粉炸,同港澳蒸排骨的概念有少少唔同,但一樣好食有特色!呢間簡記排骨酥麵的排骨蒸得相當軟爛,輕輕一咬就散開,湯底用上冬瓜熬煮,非常清甜,加上胡椒調味,非常惹味。另外呢間的乾麵亦值得一推,醬料是古早味紅醬,好多地方已經食唔到!價格方面,雖然唔及前兩間咁親民,細嘅一碗要價18蚊港幣,但對港澳人士嚟講絕對平價!

☞地址:台北市北投區新市街47號

☞營業時間:7:00AM-7:30PM,逢周二公休


❸上全肉羹、漢奇肉羹

肉羹是台灣代表菜色之一,醃好的豬肉裹上魚漿滾水煮熟,再加落麵、湯羹裡面,是非常簡單的平民美食。北投市場附近最出名的肉羹有兩間,分別係上全同漢奇。一間係原店老師傅傳承的老味道,另一間是徒弟另起爐灶,味道特色各有千秋。比較之下,上全較接近古早味,湯底較濃,肉羹亦較大粒;漢奇湯底則比較清淡,價格亦較低,足足比上全平10蚊台幣!
◎上全肉羹——

地址:台北市北投區光明路新生巷6號
營業時間:6:00AM-2:30PM

◎漢奇肉羹——

地址:台北市北投區光明路48號
營業時間:6:30AM- 3:30PM,逢周二公休

❹陳家挫冰

北投市場另一間排隊名店就是陳家挫冰,佢地配料相當多樣,且每樣都相當出色!燒仙草、豆花、挫冰都係必點品項,加四樣料都只係$50,絕對大碗夾抵食。網友大推佢地嘅地瓜同芋圓,煮得夠晒稔。
☞地址:台北市北投區新市街22之1號
☞營業時間:2:00PM-1:00AM

16-min.jpg
Source: https://www.pinterest.com/heatherabbit/taiwan-beauty/
▍水月道場

食飽飽最啱就係散散步,促進消化。位於北投法鼓山農禪寺的水月道場,是近年新興的拍照熱點。道場由著名建築師姚仁喜設計,概念來源於聖嚴法師之言. :「空中花,水中月」。道場建於一面大湖之上,景物倒影互相映襯,無論是朝早或夜晚去,景色都相當優美。

☞地址:台北市北投區大業路65巷89號
☞開放時間:9:00AM-4:00PM
☞交通:由北投市場出發的話,可搭乘302或821號公車,於大業路落車,步行4分鐘即達。

 

17-min.jpg
Source: aspxtest.coolpix.com.tw

    

▍北投à淡水|日落、夜市

行夠睇飽,差唔多到黃昏,Lunch又差唔多落膈,係時候出發去同一條捷運線可達的淡水,睇日落食晚餐喇。一出捷運站,右手邊就係英專路夜市,去夜市買定一堆小食,就可以出發去隔離嘅淡水金色水岸公園,邊食晚餐,邊睇日落!

☞交通:由水月道場搭公車返捷運附近,再搭向淡水方向,於尾站淡水站落車。由1號出口出嚟,左邊就係英專路夜市,而捷運站後邊就係金色水岸公園。

18-min.jpg

▍英專路夜市特色美食Top 3

❶沙茶羊肉

呢個無招牌的沙茶牛肉是英專路夜市出名的隱藏版美食,超級專一,只賣沙茶羊肉同白飯。空心菜同羊肉落鑊快炒,配濃郁沙茶醬加蒜頭、辣椒,惹味至極,稱得上撈飯神物,一碗白飯絕對唔夠!

☞地址:博愛街4號

☞營業時間:5:00PM-11:00PM

19-min.jpg

❷沙拉船& 甜甜圈

老實講,沙拉船係小編嚟台灣後覺得都幾奇怪的台灣小食之一,但奇怪得嚟又真係好有特色,因為除左台灣之外,真係未係其他地方見過!沙拉船源自基隆夜市,而家一般夜市都會見到佢影蹤。沙拉船睇落就似「齋版」既熱狗,只係入面唔放香腸,而係一堆生果同蔬菜,做法係先將炸過的麵包加上火腿、蕃茄、小黃瓜及魯蛋等等,再淋上沙拉醬,又稱「營養三明治」。攤位仲有賣甜甜圈,姐係俗稱的冬甩,只要價3蚊雞港幣,非常抵食。

☞地址:英專路49號附近
☞營業時間:唔固定,睇老闆心情

20-min.jpg
Source: http://chenmin1935.pixnet.net/blog/post/183603839

❸阿伯仔臭豆腐

聽到臭豆腐有D人可能覺得驚驚地,小編剛來台灣時都係咁,淨聞到都覺得頂唔順,但一次偶然食到脆皮臭豆腐,從此就愛上左~~初嘗炸豆腐的話,個人覺得脆皮比蒸的好接受,畢竟炸的有油香味,多少掩蓋到部分臭味。呢間臭豆腐係夜市的巷仔內,非常不起眼,但非常受當地人歡迎,豆腐都是在樓上先炸好,再拎落樓下,所以會一路見到有人上上落落,豆腐分脆皮同素食,全部都係即點即做,大概需要等10分鐘。

☞地址:英專路61-1號
☞營業時間:休假會於粉專公布

21.jpg

▍淡水金色水岸

講到淡水日落,好多人都第一時間諗到漁人碼頭。其實係正捷運站隔離的金色水岸公園,亦係睇夕陽的好地方。最緊要旁邊就係夜市,食飽就睇,睇飽就食,相當寫意。

22.jpg
Source: http://travel.yam.com/Article.aspx?sn=47653

▍英專路夜市附近住宿

F 悠閒淡水-度假旅晨

位置極好,約3分鐘到捷運站同夜市。套房設備多元,除左有洗衣機同烘衣機外,仲備有27吋大ACER電腦螢幕、獨立音響同32吋液晶大電視!2人房一晚只需$1400(即港幣$360),房間雖唔算太大,但夠晒整潔,兼有對外窗,通風極好。

23.jpg

F 淡水老街河畔民宿

充滿異國風情的民宿,客廳的擺設、家具,都是主人旅行印度、泰國等東南亞國家時帶返嚟,成個空間充滿異國的慵懶氣息。民宿提供一間雙人房,加床只需比多港幣$100左右。為響應環保,民宿僅提供沐浴乳及洗髮精,住客要留意下喇。

24.jpg

F Love BIKE-單車窩

民宿主人是單車旅行愛好者,係旅行過程中發現住宿可以識到好多朋友,於是打造左呢間單車窩!民宿係淡江大學旁邊,雖然唔近捷運站同夜市,但非常靜局,啱晒鐘意安靜的朋友。雙人房含獨立衛浴一晚只需$950(港幣$244),相當抵住!

25.jpg


DAY3淡水[淡水老街—小白宮—紅毛城、英國領事館—真理大學、牧事樓咖啡館—漁人碼頭]——桃園機場

玩淡水小編最推薦方式就係步行,由淡水捷運站出發往漁人碼頭方向的話,景點順序為淡水老街、小白宮、真理大學、紅毛城、漁人碼頭,唔洗乘坐任何交通工具,用兩隻腳就幾乎玩晒成個淡水!行到攰就食下野搵間Café坐下,食飽抖夠再上路,都算係舒服的旅行方式。

26.jpg

▍淡水老街|小食、手信推介

出發去各景點前,一於去老街覓食先。老街好多小食都開好早,做早餐啱啱好!講到手信,除左街知巷聞的鐵蛋,仲有好多其他有特色嘅野。一於為大家推薦幾樣必試小食同手信,食飽先夠精神周圍玩既~

27-min.jpg

▍現烤古早味蛋糕

充滿傳統風味的即烤古早味蛋糕!新鮮出爐、口感綿密,有淡淡雞蛋同麵粉香味,簡單得嚟夠特別,非常有台灣特色,好少係港澳見得到。蛋糕有原味同芝士兩種,即食或者打包當手信都一流。現時老街最出名的古早味蛋糕有兩間,分別是源味同緣味,兩間各有特色,口味亦唔同,不妨都試下。

◎源味本鋪現烤蛋糕——

地址:新北市淡水區中正路8巷2-1號

營業時間:8:00AM-10:00PM

◎緣味現烤古早味蛋糕——

地址:新北市淡水區中正路8巷4號

營業時間:8:00AM-6:30PM

28-min.jpg

Source: http://takeshi0312.pixnet.net/blog/post/41999699
▍淡水老牌阿給

阿給呢個名聽落都好神秘,其實即是豆卜包粉絲。做法是將豆卜入面挖空,塞入滷好的粉絲,再用魚漿封好。淡水聲稱自己係原創老店的好多間,其實正宗創始店是位於真理街6之1號的淡水老牌阿給!各種朋友千奇唔好去錯,難得去一次,當然要試最正宗嘅!

☞地址:新北市淡水區真理街 6 之 1 號
☞營業時間:5:00AM-3:00PM

29-min.jpg

Source: http://tabitabi-taipei.com

▍許義魚酥

眾多魚酥店中,呢個算係相當多好評,Google Map上面評分達4.3!魚酥做法是將魚去頭去尾,連骨同肉一齊搗爛,加上地瓜粉同獨家配料,再切條落鑊炸,有原味同辣味兩種。除左魚酥,仲有賣甜不辣、旗魚條、紅糟鰻等等熟食,買包一路行一路食最啱。


☞地址:新北市淡水區中正路184號
☞營業時間:6:30AM- 5:30PM

30-min.jpg

Source: http://blog.xuite.net/eltatv/play/26385958

 

▍淡水|古蹟、景點

淡水是新北市最多古蹟的地方!由老街向真理街方向行,沿路都係古蹟,可以探下險,沿途見到乜有興趣就入去睇睇,唔一定下下要睇住張地圖,旅行都可以好free!此外,紅毛城、小白宮同另外幾個無介紹到的景點都可以用同一張門票通行,非常抵玩!

31-min.jpg

 

▍小白宮(前清淡水關稅務司官邸)

建於1862年的西班牙風格殖民地式建築,將19世紀維多利亞時代的紅磚鄉村及印度熱帶建築的拱廊結合,有特色得嚟又有歷史,經過不妨入去睇下。

☞地址:新北市淡水區真理街15號
☞開放時間:週一至週五09:30至17:00;週六至週日09:30至18:00
☞門票:TWD $80(HKD $21)※一張門票可暢遊紅毛城、小白宮(前清淡水關稅務司官邸)、滬尾礮臺

32-min.jpg

Source: http://mapio.net/pic/p-20930018/

▍紅毛城、英國領事館

台灣現存最古老的古蹟之一,於1628年由西班牙人所建。園區內有荷西時期、清治時期及日治時期的建物,主要參觀的建築有兩棟:紅毛城主樓同英國領事官邸。當時台灣人稱西班牙人為紅毛番,所以稱該地叫紅毛城。現時城內有九面旗,代表紅毛城一共經過9個國家統治,分別係西班牙、荷蘭、明鄭、清朝、英國、日本、澳大利亞、美國、中華民國,相當有歷史性,絕對值得一遊!


☞地址:新北市淡水區中正路28巷1號
☞開放時間:
室內展場—週一至週五09:30至17:00

     週六至週日09:30至18:00

戶外展場—4月至10月延長開放時間到22:00

☞門票:TWD $80(HKD $21)※一張門票可暢遊紅毛城、小白宮(前清淡水關稅務司官邸)、滬尾礮臺

33-min.jpg

Source: http://tamsui.dils.tku.edu.tw

 

▍真理大學、牧師樓古蹟庭園咖啡

由傳教士馬偕博士所創立的真理大學亦是非常著名的景點之一,內有幾個建築相當值得一睇,分別是大禮拜堂同牛津學堂。大禮拜堂是仿歌德西班牙風紅磚教堂,而牛津學堂則是結合台灣傳統建築同基督教教義風格的四合院。兩個建築都非常典雅,春天時更有櫻花,千奇唔好錯過!

真理大學仲有一個私房景點。牧師樓建於1909,是一棟美麗的紅磚拱形迴廊建築,現為庭園咖啡,環境相當優美,餐點亦不會太貴。老闆熱愛藝術,自己畫畫之餘,仲經常為新晉藝術家提供場地搞展覽。

◎真理大學——

地址:新北市淡水區真理街32號

◎牧師樓古蹟庭園咖啡——

營業時間:10:00AM-7:00PM

 

34-min.jpg

 

▍漁人碼頭

如果班機夠晏的話,小編真心建議去漁人碼頭睇埋日落食埋晚餐再走!位於淡水河出海口,漁人碼頭的日落相當出名!係木棧道或情人橋上面睇日落真係超級浪漫!晚餐的話,附近除左有好多海鮮餐廳,亦有好多景觀餐廳可以邊食晚餐邊睇夕陽,好似德國農莊Tea Bar同Water Bay海岸景觀餐廳。

35-min.jpg

Source: http://ivan7huang.pixnet.net/blog/post/39910101


DAY1|桃園機場→星空草原→四四南村→象山夜景→台北住宿推薦→(…看更詳細行程介紹)

DAY2|北投→淡水→台北住宿推薦→(…看更詳細行程介紹)

DAY3|淡水→台北住宿推薦→(…看更詳細行程介紹)

小編身邊好多朋友出左社會做野,就真係好難抽身去旅行。尤其是啱啱入社會既新鮮人,攞假有時真係難過登天。但幾忙都真係要抖下,比自己充下電。台灣離港澳咁近,班機又咁多,要都市有都市,要自然有自然,都實在係好理想嘅旅行地點。錢搵極都搵唔晒,人一世物一世,一於趁後生去多啲旅行,睇下唔同地方既風光啦!

 

 

發表迴響

你的電子郵件位址並不會被公開。 必要欄位標記為 *